काठमाडौं भदौ -१९ विनाशकारी बाढीपछि त्रिशूली–ए जलविद्युत आयोजनाको सुरुङभित्र फसेका दुई मजदुरलाई १० दिनपछि जीवितै उद्धार गरिएको छ।
सप्तरीका ३० वर्षीय सञ्जय साह र ४५ वर्षीय कवीर महर्जनलाई लामो उद्धार प्रयासपछि सुरुङबाट बाहिर निकालिएको हो। दुवै जना आयोजनामा कार्यरत थिए।
नेपालमा भएको यो असाधारण उद्धारको खबर सीएनएन, एपी, बीबीसी, द न्युयोर्क टाइम्स र रोयटर्स लगायत विश्वका प्रमुख सञ्चारमाध्यमले प्राथमिकताका साथ प्रकाशित गरेका छन्।
बाढीले ठूलो जनधनको क्षति पुर्याएको अवस्थामा १० दिनपछि दुई जनाको जीवित उद्धारले निराशाबीच आशाको किरण जगाएको छ।
१९ भदौ २०८३, शुक्रबार १२:२६ मा प्रकाशित
